(Йыр)
Үләндәр ҙә беҙгә оҡшаш икән,
Йәшәү хәтәр — һынмай түҙ генә!
Минең һиңә өнһөҙ мөхәббәтем —
Ҡырау һуғып киткән күк үлән.
Күҙҙең яуын алыр затлы балаҫ —
Ерем наҙлы гөлгә күмелгән...
Минең һиңә өнһөҙ мөхәббәтем —
Сәскә атмай ҡалған күк үлән.
Ер ҡалҡаны — үлән,— белмәҫ үлем:
Тамырҙары меңдән үрелгән...
Минең һиңә өнһөҙ мөхәббәтем —
Яҙҙы зарығып көткән күк үлән
[1] Әкрәм Дауытов музыкаһы.