Мәғәнәһе барҙыр сыуаҡ көҙҙөң
Һуңғы сәскәләрен өҙөүҙең:
Ҡыҙый тоя, ахыры, сәскәләрҙән
Өтөп барған утын һөйөүҙең.
Йомарт көҙҙөң һаран сәскәләре
Ашыҡмайҙар әле һулырға.
Әммә ҡырыҫ баҫып ҡырау килер
Таж-керпектәр илар туңыр ҙа...
Сыуаҡ көҙҙә һуңғы сәскәләрҙең
Һағышынан күңел тулышты.
Гүйә, улар
ғүмер көҙҙәрендә
Мөхәбәттең һуңғы һулышы,
Мөхәбәттең һуңғы һулышы…
Йомарт көҙҙөң һаран сәскәләре…