Тейендәрҙең ҡыуышыуын
Бары яҙҙан күрәләр.
Баҫтырышмай,
улар бейей
Ҡарт ҡайынды тирәләп.
Тырнаҡтары сыҡ-сыҡ килә
Ҡарт ҡайын туйраһына.
Тейендәрҙең бейеүҙәре —
Әҙерлек
туйға ғына..
Геүләтеп яҙғы урманды,
Тейен туйҙары бара.
Тәбиғәт ҡанундарына
Буйһонмай ғына ҡара!..
Юҡ унда һис бер хилафлыҡ –
Матурлыҡ тантанаһы,
Уларға тик һоҡланаһың,
Күрергә ынтылаһың.
Яҙғы урман нурға тулған…
Тейендәр бейеүҙәре…
Йәне барҙы һала уйға
Йәнлектәр һөйөүҙәре…