Юлдар осраша, юлдар айырыла
Төрлө яҡтарҙан төрлө яҡтарға.
Юлдар – тартылған күңел ҡылдары,
Һағыш йә шатлыҡ түгер моңдары…
Юлда таныша, юлда ҡауыша
Төрлө хәлдәрҙә төрлө яҙмыштар.
Юлда һағалай ҡай саҡ яңылыштар,
Юлдар бүләге – байтаҡ табыштар…
Ғүмер шоңҡарым алға талпына,
Алһыу таңдарҙы ҡаршы алырға.
Атайҙар тапҡан хаҡлыҡты яҡлап,
Сығам юлдарға, илем саҡырһа…
Юлдар осраша, юлдар айырыла
Төрлө яҡтарҙан төрлө яҡтарға…
Юлдар – тартылған күңел ҡылдары,
Бары хаҡ моңдар көйлә, юлдарым!..